2. Advent ..... Mama im Advent...

Platzerl bacha, Gschenka kaffa,

nebnbei no in d´Arbeit laffa.

Hektisch umananda hastn –

Koa Minutn Zeit zum Rastn.

D`Wohnung schnell auf Hochglanz putzn,

jede Stund vom Dog ausnutzn.

Im Keller drunt`n s`Kripperl find`n,

Astl holn, Adventskranz bind`n,

und ned vergessn – Kartn schreiben,

ja dazua kost amoi hockableibn.

Daß d`fei d`Verwandtschaft net vergißt –

Weil de sonst furchtbar zwider ist!

Und jedn Dog, es is zum Schrei´n,

feiern mit irgendoam Verein.

Ja, da muaßt hi, scho zwengs de Leit –

Aa wenn´s di um koa Fünferl gfreid!

Zwischendurch schnell Kerz`n ozündn –

Oa Sekundn Andacht finden:

Liadl mit de Kinder singa,

und mit´n Opa Glühwein trinka.

Wennst du dann glaabst, jetzt is ois gschehn,

hast du ganz bestimmt was übersehn.

De Zeit wo d`Mutta rennt und rennt,

nennt ma ganz besinnlich:"`s is Advent!"

Ich wünsch Euch einen besinnlichen 2. Advent...

Herzlichst Susanne